【新增影片】

政府加辣後，樓市兩極化，又新高又劈價，市場對樓市走向無所適從，樓市究竟繼續向上還是已見頂。

沙田第一城最新錄兩宗成交，先講一單劈價。世紀21奇豐譚培坤表示，29座高層F室三房戶，實用面積451方呎，這類單位上月加辣前，都賣到620萬至630萬元，而早兩至三個月前，成交價更高見658萬元，但該單位成交價僅575萬元，呎價12,749元，比市價「最基本平一成」。

業主咁急賣樓是睇淡後市?代理表示，其實業主一早移民加拿大好耐，今次是授權其親友處理放盤及賣樓事宜，單位放盤大約一個月，「最初放畀我哋個陣，都要630萬，但政府本月出咗辣招後就係咁減」，由630萬減到600萬，再由600萬減到585萬，最後連減三口價，以575萬元賣出，「我哋公司同事而家送緊訂金返武漢，畀業主親戚簽約」。

賣方1999年僅以208萬元買入單位，即使賣平一成出貨，賬面仍然獲利367萬元。

樓市兩極化，第一城加辣後仍錄高價成交。美聯物業黃錦瀚稱，52座高層A室兩房戶，實用面積284方呎，以426.8萬元易手，呎價15,028元屬本月新高。

掌握財經生活資訊，即Like「蘋果ATM」fb專頁啦！
http://fb.com/appledailyatm