近年書展性感寫真橫行，擁36G巨咪嘅崔碧珈推出處女寫真，佢接受《蘋果》電話訪問時就表示：「書名叫《Sweat》，顧名思義講我流汗，用運動換取靚身型，用一萬小時做運動，因為家族遺傳身材比較圓潤，自己到中學時開始貪靚，覺得要減肥，開始熱衷做運動，每日用一兩個鐘做運動，相片雖然有性感，但着重線條，女士其實只要勤力，願意鍛煉會有好身材，同埋要注重健康，唔好過份節食。」

另外，之前有傳因為擁35E導彈而成功同太陽娛樂老闆洗米華合照嘅莊端兒，今個暑假同樣出處女寫真，仲遠赴沖繩拍攝，佢話：「自己係最大賣點，有好靚比堅尼，又有好靚珠寶同高貴晚裝，裡面有好多唔同主題，大家一定要嚟會展買本支持我。」

至於21歲o靚模Bonnie姚紫茵擁36D上圍一樣澎湃，今年都係第一次出寫真：「主題係幻想，尺度比較大，自己第一次影半裸相，有濕身鏡頭，香港天氣越嚟越熱，希望淋吓水畀大家降溫，同埋香港人怒火好嚴重，幫大家降吓火，裏面有學生造型，帶大家重返校園，提醒大家返學唔好遲到，拍攝時聽住男神周柏豪嘅歌，幻想住周柏豪嘅樣影寫真。自己sell青春活力，我諗今年出寫真自己係最年輕一個，希望藉青春出寫真留念。」