上星期推介貝迪斯「半勝」及巴塞開「主/客」，雖然中咗貝迪斯「半勝」，可惜巴塞下半場追唔番，只迫和2:2，開唔出「主/客」。好在巴塞一向正氣，聯賽好少連續兩仗失分及輸盤，周六對同市宿敵愛斯賓奴，大炒可期。
或者球迷擔心巴塞要兼顧下周中歐聯16強首回合，今仗可能留力，但巴塞周中冇比賽，美斯及伊度奧唞夠；而且雙方上月在西盃交手，以小將為主嘅巴塞主場領先3球下，稍不留神被愛斯賓奴追成2:3，差啲出局。教練哥迪奧拿賽後好不滿，更指球員態度欠認真。今次巴塞輪到大哥出場，點會衰畀啲師弟睇，一於博巴塞大勝5:1，有22倍，並補多個「總入球」[6球]。

列斯聯5:2或冧多次

同日意甲「早場」，由博洛尼亞主場對國際米蘭；國米上仗打吡戰打低AC，祖記則接連失分，意甲冠軍已經好穩，加上下周中要應付對曼聯嘅歐聯大戰，摩連奴點都會留一留；從陰謀論睇，博洛尼亞現任教練米赫洛域，退休前都幫國米立過汗馬功勞，今次國米送一分過博軍護級唔出奇。以國米作客初段常慌失失，一於冷選「半全場」[主/和」，有16倍。
大冷膽方面，博列斯聯主場大勝車頓咸5:2；列斯聯兩連敗，不過都係作客，今次返主場，面對降班膽車頓咸，點都要大勝一場重振士氣，列斯聯大勝5:2波膽，竟然只得80倍，較一般場次熱，列斯聯季初都炒過克魯5:2，唔通今次再開多一次？
文：牽牛