【本報訊】就讀將軍澳基督教宣道會宣基中學的何卓詠（Cherry），患有俗稱「玻璃骨」的成骨不全症，稍為碰撞都能令她出現嚴重骨折，她自小就是醫院常客，須以輪椅代步。但身體上的殘缺未有成為Cherry求學路上的障礙，今屆文憑試她就考到兩科5、3科5*，中文科更有5**的佳績，冀以總分35分的成績報讀港大法律系。
Cherry為家中獨女，父親是公務員，母親則是家庭主婦。她年幼時身體狀況較差，出入醫院不下20次，父母傾盡心力照顧，「我媽咪每日好早六點幾就到醫院、十一點幾先走，呢啲片段我都唔會唔記得」。小學及初中階段，媽媽更全程陪讀，「冇咗父母嘅支持，唔會成就到今日嘅我」。

「唔好俾框框限制自己」

中三時Cherry不慎在家中跌倒，大腿骨折送院，石膏「打到上心口」，卧床兩個多月、停學半年。她感激學校老師將課堂內容錄音，同學又替她抄寫筆記，讓她能跟上進度。Cherry曾到其他學校參加模擬考試，沒有升降機或無障礙通道接駁考試場地，需要其他人抬她上樓梯，考試心情大受影響。
目標是入香港大學攻讀法律的Cherry稱，希望將來學以致用幫助弱勢社群，推動傷健共融，「因為我自己有咁嘅背景，特別係傷殘人士，普通嘅律師可能都會有咁嘅心去幫助佢哋，但未必能夠身同感受去理解佢哋喺社會面對嘅問題」。她寄語有同類經歷的人不要放棄自己，「唔好俾框框限制自己，好似我體能唔好，就喺讀書上將勤補拙」。
校長潘淑嫻指，Cherry校內成績一向優異，對其放榜結果不意外。她又稱讚Cherry性格堅毅，住院期間堅持珉習，「每次探佢都溫緊書」。校長稱一向歡迎有特殊學習需要的學生入讀，因應Cherry的情況，校方將所有廁所及洗手盤改裝為紅外線感應，又特地在Cherry坐位旁設置儲物櫃和安排她在鄰近洗手間的課室上課，以免她走動太多而受到碰撞。
■記者陳穎思