有茶餐廳東主稱，除廚師外，店內約20名侍應及清潔員的時薪只有23元至24元，如最低工資定在28元，就要向員工開刀以減少開支，「可能要裁四、五個人，留低嘅員工就會加番人工，但人少咗就會做得辛苦啲」。
香港餐飲聯業協會會長黃家和認為，28元的最低工資水平稍高，對餐飲業界造成一定壓力，「有啲細餐廳得幾個人做嘢，加價又唔得，減人手又唔得，惟有減省開支，有啲講過如果頂唔順就可能要結業」。他稱，如最低工資定在28元，估計約一成員工獲加薪，包括清潔、傳菜等工種；以快餐店平均時薪21元至23元計，加幅為三成。
香港環境衞生業界大聯盟召集人甄瑞嫻表示，現時業內超過九成人時薪低於28元，但指薪金提升到這個水平對業界影響不大，「我哋反而關注對長期服務金同遣散費嘅影響，因為呢兩樣嘢係計你最後個工資o架嘛，如果個員工做咗好多年，僱主負擔就會好大，強積金都未必抵銷到」。