【送Cue棍做乜？】駱振偉下周飛丹麥娶妻 頭痕揀婚後首份禮物
蘋果日報 2019/09/30 18:40
丹麥湯寶如彭家麗駱振偉morninggift
（右圖攝影：陳俊強）
由湯寶如、彭家麗和駱振偉主持的ViuTV音樂節目《Chill Club》，今日在九展舉行記者會，鄧建明（Joey Tang）、關心妍及梁釗鋒亦有出席。曾在無綫主持過《流行經典50年》的湯寶如，她直言：「呢個台嘅自由度大啲，我唔係話嗰邊（無綫）唔大，只係呢邊冇咁多嘉賓，我哋冇咁辛苦，做主持嘅可以唱多啲歌，互動多啲。」曾因意外令記憶力及組織能力變差的彭家麗，她笑說：「咁都搵我，導演真係大膽，已經錄咗兩集，我覺得自己尚待改進，因為太緊張，轉數又慢。」
駱振偉透露在節目中唱《再見露絲瑪莉》，他表示這首歌有同性戀意思，還自爆：「有次余迪偉當住我女朋友面前，問我係咪基，我都有幻想過自己係咪基，但我發覺冇可能。」提到他與丹麥女友Katrine快將結婚，他說：「下星期就飛去丹麥，一切由女友做主導，我哋都有為婚禮學跳first dance。」會否在港補舉行婚禮？他說：「可能會，但都會係cocktail party形式搞，我而家最頭痛就係，原來丹麥有個傳統，係婚後第二朝要互送禮物，morning gift，女友話已經買咗份好貴嘅禮物畀我，我又唔可以冇表示，或者我送支cue棍畀佢，哈哈！」
採訪：黃曉妍
攝影：陳俊強
攝影：陳俊強
湯寶如（左）、彭家麗及Joey Tang今日出席ViuTV音樂節目記者會。
準新郎駱振偉透露在節目中唱《再見露絲瑪莉》。
今日同場還有關心妍及梁釗鋒。