【新增短片】
中大學生會前會長張秀賢出席討論港獨爭議的論壇時稱，回歸後，香港人對國家認同感的分水嶺，在於2008年，當時內地發生汶川地震引發大批港人捐款，但之後發生譚作人、艾未未等內地維權人士被拉，動搖了新一代的愛國意識，覺得貨不對辦，覺得這些事件破壞了港人對內地的信任，但去到劉曉波獲頒諾貝爾和平獎，「我哋見證著空櫈嘅出現，呢張空櫈係令大家質疑中共政權係咪會走向民主化、開放，我哋係唔會相信一個政府係咁樣對待一個異見份子、對異見做成一個打壓，咁樣係對呢一代人對中國失去信心，（對中共）期望係越來越低。」

但立法會前主席曾鈺成和新民黨主席葉劉淑儀卻認為這些人權事件並非如此嚴重。曾鈺成認為，上了年紀的朋友也會知道，中國過去幾十年，「你話發生趙連海、李旺陽、什至乎劉曉波，坦白講，過去幾十年，更加惡劣嘅事都有，嗰啲唔算係最差，最壞嘅例子，點解我哋過往見到中國令人痛心嘅事，但一路下來國家有好嘅成績，大家都接受，加強了大家嘅國家認同感，最近年嗰咁嚴重影響年輕一代呢？咁係同全世界下一代成長訴求有關，我認為喺推行國民教育係有簡單化，冇充份估計問題嘅難難同複雜，於是產生反效果。」

葉劉認為，對2008年之後發生的多宗人權事件，不覺得震驚，認同曾鈺成所指，在內地更差的事也發生過，其他國家亦有：「世界各地事件見得多，民主大國咪仲犀利，我唔想數人哋，我哋唔會覺得（那些人權事件）好震驚，每個國家都有佢嘅困難。」