古巨基跟森美主持節目《亂世兄弟古巨基 X 森美旅行團》昨晚播出第二集，繼上集「遊覽」東京情趣酒店後，今集他們試玩日本激安店的「玩具」。節目開始，同行工作人員已為基仔同森美準備好一堆「玩具」，包裝盒只就寫着「大人之粗品」及「18禁」。

首先他們從中抽出一隻成人卡通光碟，二人已經鬼殺咁嘈，冷靜下來後，基仔繼續伸手入盒內「潛」出一件Tee，不過上面就印有「腰振！monster！」字樣，到森美時再抽出一支成人玩具「震震棍」，他即刻隊向基仔塊面，事後基仔表示沒有嬲，更笑着說：「拍節目玩咋嘛，嗰支嘢好似化妝師幫我碌面嘅瘦面棒。」問到基仔有否玩過類似的成人玩具，基仔說：「梗係冇啦！以前行激安嘅時候，經過呢啲賣成人玩具嘅檔，都急急腳快啲行過，視線都唔敢望，怕其他遊客見到會以為我想幫襯。」

除了成人玩具，短片入面基仔同森美齊齊試食「18禁激辣薯片」，至於「18禁」意思同成人無關，基仔話：「『唔係人咁品』咁解，係要好夠膽，而且年紀要大啲先可以試」，片中二人吃後都辣到開不到聲，基仔更加食到「喊」，事後他表示：「呢個係我呢世人幾十年來食過最辣嘅嘢！辣到講唔到嘢，工作人員諗住幫我解辣拎咗支水畀我，我一飲之下發現，係氣泡水！原來食辣再飲氣泡水，係再辣十倍！辣到我眼淚都標晒出嚟！要即刻去雪櫃攞個牛奶奶凍含住喺口，先至可以解辣咋！」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef