公司搞最cuteBB比賽,我想攞歲幾大嘅姨甥仔張相參賽,佢眼大大好靚仔,有我哋家族優良血統,surewin。我打電話畀家姐叫佢幫姨甥仔影啲靚相,但佢話:「佢喊緊呀,影鬼影馬咩!」原來佢哋焗緊蛋糕,姨甥仔俾個焗爐燙傷,家姐講:「佢燙到都唔識縮手,咁蠢唔知似邊個!」(ToT)
但後來同消委會個friend傾開,先知家姐怪錯個仔。消委會最近嘅研究話,一個健康成年人平均反應時間,大約係0.5秒,但細路仔反應時間可以長到4秒,甚至因為反射動作未完全發展,唔知道痛楚係由燙傷造成,所以有可能被燙傷都唔識得縮手。個friend仲話,市面有啲冷接觸(CoolTouch)電器,包括多士爐同焗爐,門上嘅玻璃由多層物料組成,保持焗爐內溫度,但又令爐門表面溫度盡量降低。我聽完即刻買個畀家姐。(^_^)
逢周一至周四刊出