【傳懷孕】阮民安為游蕙幀摸肚檢查：冇大肚先繼續演出
蘋果日報 2019/12/17 19:00
阮民安莊端兒游蕙幀夜谷賓館營業中
莊端兒、阮民安（Tommy）、歐陽仲豪（豪Dee）和游蕙幀主演的舞台劇《夜谷賓館營業中》，將於本周六日在海洋公園公演，距離開騷進入倒數狀態，眾演員近日忙於綵排。
豪Dee在戲中扮演醫生，劇情交代他跟莊端兒要去美國公幹，可是錯過了飛機，他們於是求救於有神奇力量的夜谷賓館，其間因為有魔法，莊端兒提早離開以致衍生多一個複製人，但兩個莊端兒的出現產生太多麻煩，最後豪Dee用方法解決了這件事。莊端兒今日接受《蘋果》電話訪問時說：「排戲好多趣事，導演好肯聽演員意見，畀咗我哋好多空間發揮同參與意見。」
綵排當日，監製Tommy表示對於早前傳出游蕙幀大肚傳聞抱懷疑，Tommy笑言：「我要親自摸肚驗吓佢係咪有孕，親證佢冇大肚先可以繼續演出。」Tommy續說：「呢場騷大家都好努力，戲裏面有好多場口都好新鮮嘅，首先我諗大家最大嘅一個驚喜就係游蕙禎，佢第一次演舞台劇，竟然係同羅莽師傅做一對超越前世今生嘅情侶。羅師傅同游蕙禎會用古裝嘅裝扮出現，羅師傅係一名劊子手，劇中佢哋會有一段可歌可泣嘅愛情故事。由於游蕙禎係第一次做舞台劇，甚至係第一次公開演出，但佢嘅表現非常專業，而且冇怯場，羅師傅好照顧佢，用咗好多心機指導佢。」
Tommy摸游蕙幀肚驗孕。
演員圍讀。
豪Dee和莊端儀對戲時好合拍。
劇情交待莊端兒唔覺意複製多個自己。