台灣立法院內政委員會噚日原本審議《災害防救法》部份條文修正草案,由內政部長徐國勇出席會議,會議期間民進黨籍高雄市立委劉世芳鬧凌友詩,話凌友詩爸爸係國軍退休海軍副艦長,凌友詩話乜嘢中華人民共和國政府係中國的唯一合法政府、係中國政權的正統,完全對唔住中華民國前總統蔣介石,又問徐國勇凌友詩話願鞠躬盡瘁期待中共統一兩岸言論,有冇違反台灣法律。
徐國勇答凌友詩言論實在不應該,至於會唔會以法律處理,徐國勇話應該朝向取消戶籍方向處理,但因為權責係陸委會,所以等陸委會認定之後,先輪到內政部處理,又話如果取消凌友詩戶籍,佢就連台灣居民醫健保險都會冇埋,到時凌友詩唔再算台籍,唔知仲有冇政協做呢?
李八方