【未放棄】續戰歐洲球壇 傳卡雲尼明夏自由身投馬體會
蘋果日報 2019/12/23 22:30
西甲巴黎聖日耳門法甲馬德里體育會PSG卡雲尼歐洲足球
烏拉圭32歲前鋒卡雲尼，不經不覺已經效力咗法甲巴黎聖日耳門（PSG）六年，到今季結束後就會約滿，近年不斷有傳佢會轉投中東球會掘金，或者加盟碧咸嘅美職聯新軍，但估唔到佢仍然有鬥心要喺歐洲球壇再有作為，據報佢已同西甲球會馬德里體育會達成協議，將會喺明夏自由身轉會，簽約三年。PSG鋒線有唔少球星，多年來卡雲尼要爭正選都唔容易，有尼馬同基利安麥巴比之外，今季仲有莫路伊卡迪加盟，亦有報道指PSG甚至考慮喺一月轉會窗重開就將佢出售。
