34歲索爆人妻鍾嘉欣早前誕第二胎，囝囝Jared Anthony Leung轉眼快滿月，今日嘉欣在社交網晒產後靚爆相，留言：「一上網就收到大家好多好多的祝福，好窩心，謝謝大家。BB在家出世時重7磅14安士，餵母乳BB長大又重咗啦，肥肥白白非常健康，眼仔睩睩唔太扭計！」

嘉欣跟醫生老公Jeremy Leung結婚3年，大女Kelly已經兩歲，嘉欣三年抱兩湊成一個「好」字，送福給其他想做媽咪嘅人：「接下來將我的『好孕』轉給各位好姊妹及所有努力中的媽媽啦！大家都要好好照顧身體，我就要把握黃金坐月30天！」相中嘅嘉欣精神好好，手腳纖幼，皮膚白雪雪，完全唔似已經生咗兩個仔女，網民都留言讚：「beautiful！」

之前「處女黨」成員差唔多全部成人妻，李亞男已經係準媽咪，在嘉欣送「好孕」祝福下，相信王君馨、岑麗香都好快會排住隊大肚。

精選娛聞，喺晒《娛果》
http://fb.com/appledailyent