韓國福布斯名人榜每年都會評選去年喺演藝、體育界中嘅出色人物,參考佢哋嘅主要有收入/專業度(電影方面計票房,電視就計收視率,歌手就計專輯銷量,運動員計成績),再加上主流媒體上嘅曝光度,喺電視同埋綜藝節目中嘅曝光率,單計呢四個項目綜合而得出排名,當中韓國男團EXO再次揮低一眾勁敵成為第1名。
至於第2名就係去年影視雙贏嘅劉亞仁,第3名係憑大熱劇《請回答1988》而人氣爆燈嘅惠利。
第4名至第40名就分別係少女時代、金秀賢、BIGBANG、全智賢、IU、車勝元、SHINee、金妍兒、黃政民、劉在錫、孫興民、AOA、劉海鎮、河正宇、李政宰、金九拉、Girl'sDay、申東燁、SISTAR、奇誠庸、李光洙、李敏鎬、泰妍(少時)、雪炫(AOA)、Zico、ZionT、Hani(EXID)、吳達洙、秀智(missA)、李秉憲。
另外,進佔第6位嘅BIGBANG,佢哋前日同噚日喺日本東京一站嘅巡演圓滿結束,今次佢哋喺日本進行咗18場演唱會,吸引咗逾91萬粉絲撐場,創下咗海外藝人中動員人數最多嘅紀錄,而佢哋喺噚日公開嘅日巡DVD,推出首日就摘下Oricon日榜冠軍位置,認真犀利。