世盃季軍戰，從來對球迷都唔太吸引，皆因兩隊與冠軍只有兩步距離的遺材賽，經歷身心折磨，一瞬間失去目標，難免迷失，繼而表現走樣。不過若有東道主不幸參與，現場氣氛帶動戰意，可觀性會略為提高。
德國隊喺決賽周能夠保持4場90分鐘不失球確實有啲意外。相對熱身賽表現而言，中堅位置改善最為明顯，戰術上亦一改經常布越位詬病，值得一讚。但今場防線因傷被迫變陣，後防漏洞極可能再次出現。
葡萄牙能殺入4強亦屬今屆驚喜，領隊史高拉利實在功不可沒，刻意改變一貫拉丁足球過份賣弄風格，針對性提升球員心理質素以及防守意識，以1球12碼敗陣，交代有餘。不過今場後防兩名正選停賽，加上戰意成疑，唔知大菲仲管唔管得住班拉丁狂牛喺場內紀律，定索性叫佢哋放開懷抱咁踢呢？