全城熱睇無綫劇《法網狙擊》，當中高Ling更變成網民追看對象，不過同劇嘅白健恩（小白）亦因為同高Ling演一場強姦戲而受到網民留意。

人紅是非亦隨之而來，今日有報道話，大半年前開始，佢就暗交拿督女莊思敏，而且發展得好快添。佢哋兩人喺舊年合作舞台劇《滋．情．識．趣》，之後齊齊跟詹瑞文太太甄詠蓓學演戲，每星期一堂。

相識一段時間後，小白更不時去莊思敏間時裝店幫手。早前佢哋更多次被拍到密會，而且進展到同遊傢俬店。對於被指搭上莊思敏，小白承認密會：「唔排除有發展可能，不過暫時以工作為重先！」

之前富二代林忠豪力追下，莊思敏都不為所動，但係就同小白感情咁好，莊思敏就表示：「我唔需要一個有錢男友，我要性格平實、乖嘅男仔。」

【齊齊投選2012年娛圈風雲人物】
入面粒粒巨星，你想咀佢，定想掟蕉過去？XD
http://bit.ly/ent_2012 (電腦版)
http://bit.ly/ent_m2012 (手機版)