當年今日
關於我們

【李八方online】睇見都痛!陳健民看警暴片10秒即胃痛

蘋果日報 2020/03/19 17:06

陳日君陳健民佔中九子

參與公民抗命被判入獄嘅佔中三子陳健民(KM)上周六出獄後,唔少香港人都關注佢嘅動向。佔中九子之一嘅民主黨李永達今日就喺Facebook透露,向來關心佔中九子嘅陳日君樞機,噚晚特別為KM補祝61歲生日,張秀賢因為參加過元朗區議會副主席麥業成嘅會議,而麥業成兒子後來確診武漢肺炎,因此張要自我隔離被迫缺席,餘下嘅佔中8子都有出席,更同KM傾足兩粒鐘。

噚晚有份出席KM生日會嘅邵家臻話,席間食咗個印有佔中九子合照嘅生日蛋糕同三文治,陳樞機更預告遲啲會整自己至拿手嘅東坡肉畀KM食;而噚晚唱得最多嘅並唔係生日歌,而係《願榮光歸香港》,透露大家總共唱咗3次,更連大戲版嘅《榮光》都睇理,透露朱耀明牧師早前探KM監時,都唱過《榮光》畀KM聽㗎!

大家可能亦關心,KM出獄後生活適應如何?阿臻話KM噚日無意睇到一段黑警打示威者嘅10秒短片後,即時感到胃痛,所以在場人士同KM老婆都勸KM唔好睇住。由於KM好關心場反送中運動,特別係中大嘅抗爭情況,在場嘅鍾耀華就用口述方式,講返自己對理大同中大兩場戰役嘅觀察。

-----------------------------
【武漢肺炎】專頁
全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》讀果 上架