富士的X系數碼機玩復古風出晒名，想不到連即影即有的Instaxmini90都一反一直沿用的可愛風，大玩懷舊look，砂銀配黑仿皮，少了玩具少女味，多了專業感，男女合用。外形大改，功能亦大提升，即影即有相機收藏家兼達人TM試用後大讚：「雙重曝光及最長10秒的B快門，都大大擴闊了創作空間；而雖然我少自拍，但內置的30cm近攝，相信好多女仔聽到都開心！另外鏡頭質素亦很有進步，相片明顯比以前的細緻清晰，唔再只係玩玩下的質素。」再加上高速快門的KidMode、自動調節閃燈兼慢快門的PartyMode等新拍攝模式，功能相當全面。