對於冇玩開股票嘅香港人嚟講，提起大昌行（1828），應該只會諗起凍肉公司，不過喺散戶眼中，大昌行就係一間就快跌穿招股價嘅弱勢股！
其母公司就係N次延遲西澳鐵礦石項目生產的中信泰富（267），喺2007年10月決定分拆大昌行，以每股5.88元招股上市。最風光時，股價曾經去到11元，𠵱家就跌到得番5.96元，昨日收市更插低逾7%。
大昌行主要收入來源是內地汽車分銷及代理業務，不過，經濟放緩，少咗人買車，加上反日情緒高漲，搞到舊年盈利倒退超過兩成。雖然今年日圓急瀉，有望帶動日系汽車銷情，但身為大昌行股東之一的摩通都「大義滅親」，發表報告調低其目標價至5.20元，繼續叫「沽貨」。

尋底之旅未結束

摩通指由於內地汽車市場出現減價戰，大昌行都要割價促銷，故今年經營利潤率都好難有改善。加上日本品牌汽車銷售大不如前，賓利（Bentley）仲收番代理權，故調低今年銷售、利潤率及盈利預測！
雖然彭博數據顯示，約五成大行都建議繼續持貨，不過睇股價走勢圖，大昌行噚日一支大陰燭跌穿保歷加通道，多個支持位齊齊被攻陷，RSI同STC都未見轉勢迹象，尋底之旅以乎仍未結束。如果仲未想同大昌行say goodbye，就不如將止蝕位定於招股價吧！

瑪姬兒