導演陳嘉上今日喺新城接受訪問，宣傳佢執導嘅新戲《蕩寇風雲》，今次電影係由洪金寶同趙文卓主演，陳嘉上話：「我搵趙文卓，第一個就諗起要搵大哥，要搵一個壓得住趙文卓，咁有霸氣嘅人，一個高手教佢嘢。佢哋第一次合作，俾好多新鮮感。」除咗兩大高手，陳嘉上仲搵嚟洪天明，兩父子一齊合作，陳嘉上話：「天明我由細睇到大，對我嚟講佢已經唔係大哥個仔，而係一個演員。」

講番片中另一日籍演員小出惠介疑酒後強姦17歲女生( 新聞連結： http://bit.ly/2rhVtzu )，陳嘉上話：「好無奈，知道係醉酒累事，照我所知佢演出好好，對佢好有信心，希望佢好好企返喺身，佢戲演得好好。」

新片星期四上映，問到期望，陳嘉上就話：「國內6000幾萬，應該過唔到億，我已經當輸咗，不過有日本、美國等海外市場，補返啲，希望唔好蝕咁多。國內失利同佢哋播好多抗日片有關，香港呢幾日反應幾好，因為冇俾人轟炸。」