世界盃舉辦過20屆（今屆為第21屆），過去曾有不少主辦國俱為冧莊舉辦，諸如意大利、法國、西德（德國）、巴西及墨西哥等。最近墨西哥更聯同加拿大及美國組成北美聯盟，奪得2026年世界盃主辦權，勢將成為全宇宙唯一曾三度主辦世界盃的國家。

然而，作為地球上土地面績最大既國家，佔領地球八份之一土地嘅國家------俄羅斯，卻要到2018年才首次舉辦這項全球矚目的盛事。撇除91年蘇聯解體的政治因素，少年，係咩驅使俄羅斯要搞好世界盃呀？係愛定責任呀？

係誠意。小記隨now tv採訪團抵達莫斯科7天，走過大街小巷，紅場商場，無不充斥着濃厚的世界盃氛圍。繼早幾天介紹過的fan fest會場，這天來到位於阿爾巴特區的足球博物館，更深刻感受到俄羅斯要肩負起足球傳承的任務。

博物館佔地不大，但收藏極其珍貴，除了本屆32隊的球衣大晒冷外，更有歷屆世界盃的珍藏，如過去的世盃門票，得獎獎牌，球星簽名球衣，以致重新剪輯的咸豐年世盃精彩片段，皆一一收錄。足球之火，承上啟下，於莫斯科遍地開花。

搞體育盛事，係要有團火先做得出色，喺香港都一樣，求其搵班藝人柴娃娃搞個party當做咗嘅時代已經過去。專業地看待體育項目，才是對well educated嘅體育觀眾最佳的尊重。

臨離開博物館時碰到其他行家，得知香港那邊的世盃直播，亦剛進入了4K時代------連俄羅斯本土都未有4K直播，咁係咩驅使呢間香港電視台搞4K呀？係愛定責任呀？

係咩都好，有個台願意揼本搞好佢，唔使你明明對荷蘭唔反感都變成反感，算係咁啦。香港觀眾要珍惜，莫待無花空折枝。

【記者梁智威俄羅斯直擊】

--------------------
一網睇盡
足動世盃 直擊俄國最前線
https://hk.feature.appledaily.com/worldcup2018/
--------------------
《體蘋果》陪你睇波講波
https://www.fb.com/appledailysports
--------------------
迎戰決賽周！《BFB CHAMPIONS 2.0》登入免費送連抽，超級球星立即入隊！
http://bit.ly/2xrTKGM