胡渭康及姜蓓莉等今晚到荃灣大會堂出席慈善音樂會，轉型做經理人的戴夢夢亦有到場支持，她自嘲是大打雜，演唱會、電影及舞台劇等的籌備工作亦要參與：「都要成日周圍飛，忙得開心。7月又可以同屋企人去泰國享受family trip，雖然得4日好短，聖誕就同屋企人計劃咗去倫敦，到時過白色聖誕。」

問到男友朱翰博（Ricky）會否同行？她表示男友忙工作未能出席：「下半年我又接咗個廣州嘅節目，到時每個星期要去做評委，所以今年未必有時間兩個去旅行，但係返到屋企都見啦。我哋而家會好珍惜每個星期嗰一日假，每次都要過得好relax。」

胡渭康今晚會獻唱6、70年代歌曲：「總之就係啱街坊聽嘅歌啦，唔通唱呢兩年啲流行歌咩？」他笑謂今個夏天特別忙，問他會否趁炎夏騷肌？胡渭康說：「我着衫你都睇到我fit，咁唔使除啦。我都有keep住運動嘅，不過早幾日先chok親條腰，拎咗3日柺杖，醫生鬧我因為起身起得太急。」

-----------------------------
7月4日起 《蘋果動新聞》只限升級壹會員閱覽
繼續撐蘋果！
https://hk.adai.ly/e/iIRREmuwDX