蘋果最終章|動保界李淑芬:香港無《蘋果》 我覺得係世界末日

蘋果日報 2021/06/23 19:57

拯救香港貓狗蘋果最終章

「《蘋果日報》被迫停刊,我腦中浮現第一個影像,係電影《家有囍事》嗰段,李香琴得悉家中『冇電視睇』時,大叫:『世界末日啦!』依家香港無《蘋果》,我都覺得係世界末日!」一直致力關心動物權益的拯救香港貓狗主席李淑芬表示,自從《蘋果》面世後,其父親一直買《蘋果》看,她也因此成為《蘋果》忠實讀者,「家父過身後,每年清明掃墓,必帶上《蘋果》。」
「我爸爸以前喺外國公司做嘢,佢好鍾意睇報紙,每日必買兩份日報一份晚報;1995年《蘋果》創立時,我記得係兩蚊一份,仲送埋一個真係可以食得嘅蘋果;從此就轉去睇《蘋果》,從此結下不解之緣。」李淑芬續說:「1996年,爸爸過身後,我哋都一直睇《蘋果》,而且每年拜山都必帶《蘋果》去拜佢。」
《蘋果》留給她最難忘的是什麼,曾從事雜誌工作的她表示:「精彩新聞梗係多到不勝數,但最難忘係佢啲粉紙彩色廣告,好誇張,係一整版,有時係跨版。以當年來講,真係好少有。」
李淑芬昨日得悉蘋果即將熄燈停刊時,她說:「先父仙遊已25年,總記得爸爸在生時講過,好怕97,好怕共產黨,爸爸真係無講錯……」李認為,《蘋果》被迫停刊,香港少了一個強而力為市民發聲的媒體,更加少一份關心動物、為動物發聲的刊物。
「蘋果執笠,我真係好傷感,好似一個世代的終結,以後再無人為香港人發聲音了。」李淑芬寄語 :「香港人加油!」
-----------------------------
蘋果App大升級 更簡潔更就手!了解更多立即下載體驗
-----------------------------
你敢爆,我敢獎! 立即Signal 63836568、WhatsApp 《蘋果》24小時爆相爆片熱線
或致電:63836568