最近有唔少韓國歌手都挑戰設計行業，開展屬於自己嘅設計品牌，希望可以殺出一條新血路，韓國男團JYJ成員金在中就係其中之一。近日金在中就身兼皮革品牌MOLDIR嘅最大股東，而MOLDIR仲傳出會同韓商網Deconetishion攜手，將品牌推出去中國市場！

根據業界相關人士話韓商網為咗引進MOLDIR，目前積極推動雙方喺中國成立合作法人公司，而韓商網將會負責令產品喺當地流通，而MOLDIR就專注生產同行銷。

喺亞洲擁有高人氣嘅金在中，擔任品牌最大股東同藝術總監，令品牌嘅生意節節上升，自今年1月產品首度亮相之後，喺四個月內就已經賣出三萬幾件商品，認真厲害。

另外，提到JYJ，組合今晚將會喺成都舉行演唱會，而3子喺今日下就更努力綵排。