英超季軍曼城新一季準備重整旗鼓，放棄咗唔少球員，不過其實當中唔少好球員，好似阿根廷門將韋利卡巴尼路，雖然已經35歲，不過做後備仲綽綽有餘；英超冠軍車路士已經出手招攬卡巴尼路，雙方亦都達成協議，只差體測就會加盟。

車路士今夏將會出售比高域俾般尼茅夫，領隊干地都要搵泰拔高圖爾斯嘅副手，雖然卡巴尼路年紀唔輕，不過一來免轉會費，二來又有英超經驗，所以唔單止車仔，連升班馬紐卡素都搵佢，二揀一之下，卡巴尼路就決定加盟車仔，相信未來幾日完成體測，就可以落實加盟。