韓劇《大力女子都奉順》女星朴寶英4月時透露，佢為拍劇隱瞞腳傷五個月，當時醫院已建議佢做手術，不過朴寶英因為唔想做手術而揀咗進行長時間嘅物理治療，但係有指朴寶英最終都係決定接受手術。

相關人士今日表示，朴寶英已完成手術，因為唔係大手術，粉絲唔需要太擔心，朴寶英目前正康復中，而且已經可以行路。

另外，朴寶英嘅化妝師噚日於Instagram公開早前朴寶英拍廣告嘅花絮照。