法國騎師巴度今季在港出賽成績理想，始終都在港作賽了一段時間，了解此處競賽模式之餘亦與各單位更為熟絡，好自然取得更好座騎爭取佳績。

實在其波士阿加汗在歐洲馬壇已走下坡，與其在法國等運到，倒不如申請在港全季牌照，說不定會有另一片新天地。

在港之英國籍練馬師「喼神」高伯新，曾在法國開倉，法語了得，與巴度有傾有講亦經常有合作。

今晚（26日）谷草頭場五班1800米，「靚籐王」將由巴度接手。

此駒近四場全入獎金名次，包括剛於谷草2200米取得第五。

「靚籐王」除了演出變得穩定之餘，跑法也相當具彈性，無論領放或留後一樣可交出好成績。

今回排得1檔起步，預期可跟守更有利位置，四歲馬當打無傷無病，於第五班再贏番場應非難事。

撰文：程駿

------------------
要貼士唔使周圍搵!?即睇【今晚Tip馬夜唔夜】猛料繼續大放送！
------------------
【馬後炮】大賽日都亂咁騎！潘頓、雷神、莫雅一樣照插
-------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
------------------
《果GYM》隨身播 　健身壹App過！
一按即玩