【本報訊】因流感併發急性壞死性腦炎的6歲男童張梓睿，留醫屯門醫院深切治療部14日後，前日不治。張家昨召開記者會批評醫院處理失當，包括為何兒子在求診時已經抽筋及神志不清，但院方未及時處方特敏福；逾6小時後兒子腦壞死，才轉送深切治療部及處方特敏福，家屬要求醫院交代。食衞局局長高永文向男童家人致以慰問。
張梓睿的父母昨忍着悲痛向傳媒述說愛兒求醫的經過。張太表示，梓睿於去年12月20日晚開始微燒，服食退燒藥後翌早退燒，故決定一家三口出席學校聖誕聯歡會。但在派對後，梓睿發燒超過38℃，直至22日深夜2時許上升至39.4℃，張父帶梓睿往屯院求診

「我一直以為佢瞓咗」

張太稱，梓睿凌晨4時許抵院時已四肢不能自控及精神失常，「佢係咁講我要跳降落傘」；一小時後急症室醫生為梓睿做肺部檢查及做腦部掃描，但未發現任何問題，「但我個仔已經連屋企人都認唔到」。直至早上7時許，醫生安排梓睿入住隔離病房，並處方抗生素，「我同佢講『阿仔你食咗藥快啲瞓啦』，佢答我話『聖誕聯歡會嗰個杯要畀媽媽』……冇幾耐醫生就話我個仔深度昏迷，要急救。我真係好驚，我一直都以為佢只係瞓咗！」約3小時後，梓睿入住深切治療部，確診急性壞死性腦炎，延至前日下午腦幹死亡離世。張太表示，院方至今也沒交代為何不即時處方特敏福、亦沒提及肺部檢查及腦部掃描結果正常，病況卻急轉直下的原因。香港兒科醫學院昨發聲明指，急性壞死性腦炎死亡率可達70%，即使康復都有很大機率永久傷殘。
■記者于健民