陳凱琳今日同黃智賢等去尖沙嘴碼頭為近日播映嘅劇集宣傳造勢，陳凱琳話男友鄭嘉穎啱啱返香港，有追睇套劇，仲讚佢有喜劇細胞同幽默感，估唔到陳凱琳直認，仲話如果冇幽默感，根本唔可以同鄭嘉穎談情說愛，一句K.O.！鄭嘉穎聞言都話女友轉數快。

陳凱琳又話自己其實都鍾意拍喜劇，拍嗰陣又開心，亦唔介意扮醜，不過自己就比較少演喜劇。而佢對劇集大結局收視好有信心。

另外，陳凱琳話自己嚟緊復活節要去橫店拍另一套，拍10幾日再過新疆拍外景，希望到時可以騎駱駝，一償心願。

精選娛聞，喺晒《娛果》
http://fb.com/appledailyent