周二開售、坐底有2厘的銀色債，老人家應唔應該抽？兩位股壇老行尊就有點保留。

今年68歲、智易東方證券行政總裁藺常念（藺sir）表示，自己不會抽銀色債，因為2厘息太少，「假設你真係抽到100萬元，最少應該5厘息，一個月4000蚊，咁先夠食飯架嘛。」藺sir繼續炮轟政府，「政府今次係畀福利老人，又唔可以轉售，不如畀做5厘仲好，好心啦，政府咁鬼有錢，咁x孤寒！」

藺sir指，他寧願買四大國有銀行股，「都有6厘息，跌到咁個股價風險唔大，就算其他藍籌都有4厘息啦！」

另外，不願意透露實際年齡的華晉證券資產管理董事總經理杜冠雄（杜sir）說：「歲數呢啲私隱嚟架喎，總之穿咗60，未破65啦！」杜sir說，就算自己到退休年齡，都唔會買債券，因為銀碼不夠大。

杜sir說：「我喺投資界浸淫咗咁多年，咁多年投資經驗，點會睇呢啲，我有投資組合、有樓、有古董，唔使買bond。唔係個個都好似我咁，唔靠父蔭，牙牙擦擦，風風騷騷！」

他又指，自己退休後會繼續在股市生財，若果現時港股再急跌，將會買房地產信託基金（REITs）、滙控（005）等派息穩定的高息股，「其實牛市有牛市炒，熊市都可以賺到錢啲，即係熊市係吸落後，先沽後買，但絕對唔可以買消息股，唔係就蝕死晒！」

掌握財經生活資訊，即Like「蘋果ATM」fb專頁啦！
http://fb.com/appledailyatm