【機場】許志安今年4月被《蘋果》獨家踢爆背着妻子鄭秀文（Sammi），跟當時與馬國明拍拖的黃心穎偷食，事件哄動全城。「安心偷食」至今五個多月，已跟男友分手的黃心穎避走加拿大，有指她已改英文名及轉行在當地任職地產經紀。另一邊廂，安仔獲太太Sammi原諒，上月兩人跟張衞健夫婦到英國、奧地利及布拉格旅行。原來Sammi返港沒多久，又再與安仔、助手及工作人員到歐洲旅行，她連日來不時於Instagram上載旅行吃喝玩樂相，可見旅途十分愉快。

放假心情靚

Sammi前日由歐洲返港，下午2時許，助手推着行李率先步出機場，數分鐘後，Sammi與數名工作人員現身，穿白色外套及牛仔褲襯波鞋的她，戴上太陽眼鏡，但未見安仔影蹤。問到Sammi是否放完假返港？她點一點頭，再問是否與安仔一起前往及二人是否已和好如初，Sammi雖然沒有回答，但心情甚靚主動說：「企喺度畀你影喇！」

之後眾人步往停車場，再問到放完假心情如何，跟安仔旅行是否已修補好關係？Sammi均沒有回應，但就再次主動表示企定定拍照，記者遂建議邊影邊問，Sammi笑笑口說：「我冇嘢答，唔該晒！唔該晒！」對於黃心穎於加拿大轉做地產，Sammi依然沒有回答便上車離開。
採訪、攝影：羅德光、朱志聰