鍾鎮濤（阿B）之前談閱兵畀網民話「忽然愛國」，惹嚟唔少迴響，譚詠麟（阿倫）今日出席一個活動時，就力撐好友：「我都睇到，睇閱兵我每一次睇到為人民服務嗰句，其實單一句，已係幾多犧牲，無私奉獻，幾多責任，個首長講句『同志辛苦喇』，之前係發生好多事，無私奉獻，為國家付出，打動好多人，你認唔認同都好，都係為中國人，我都係有感而發，我爸爸都係老兵，細個聽佢講係運輸大隊長，一的記載戰前書籍，都有登爸爸個樣，佢係教官，國民黨。」

不過阿B囝囝鍾嘉浚喺網上為父親反擊，更大鬧港人死精蟲，阿倫話：「有聽人講，應該嘅，為爹哋出啖氣，睇唔過眼就要講啦，香港係自由嘅地方。」再問阿倫有冇灌輸囝囝呢方面知識？佢即笑話有心喇。