陸永嘅太太Reina早前不幸流產，有指佢哋搵咗玄學家吳佩孚與其師兄，齊為男嬰做法事，超渡亡兒。陸永受訪時透露一家人心情已平復不少，因為家中有兩個「又煩又可愛」嘅女兒，令屋企每日都充滿歡欣氣氛。(相關新聞﹕ http://bit.ly/2Bwp658 )

陸永真係一個廿四孝爸爸，雖然工作好忙碌，但今日就喺ig爆料，話老公一聽到兩個女擔心冇聖誕樹就冇聖誕禮物，佢就即刻飛奔去買棵樹返屋企，氹兩個女開心。Reina留言﹕兩個傻妹之前擔心冇聖誕禮物，原因係今年我哋屋企冇聖誕樹，冇聖誕樹就唔會有禮物放喺度。聽完兩個女咁講，陸生話聽日點都要去買棵聖誕樹返嚟氹兩個女...。」不過，Reina就好似有啲微言，hashtag話﹕「有聖誕樹都可以冇聖誕禮物㗎喎」、「冇聖誕樹都可以有聖誕禮物啫」、「用完幾日又要搵地放收埋呢下先煩」、「如果有得租都幾好丫」。

更多娛聞，喺晒《娛果》
http://fb.com/appledailyent