郭偉亮(Eric Kwok)同愛護動物協會會長傅明憲，今日喺灣仔出席「香港愛護動物協會慈善獎券2017」，講到有報道話老婆葉佩雯(Grace)因賀爾蒙失調而令體重暴升，Eric Kwok話：「我日日對住佢，唔覺得有乜嘢事，係有少少腫，黎瑞恩有打畀Grace，介紹佢睇天然療法，今日去睇，希望幫到。」

本身已有兩隻狗嘅Eric Kwok，被問到係咪寧願養狗仔都唔養人仔﹖佢話：「我哋唔係好想養人仔，賺人仔梗係冇問題喇！」Eric Kwok指屋企兩隻狗，年紀已經好大，所以需要好多時間去照顧：「有時去旅行都會擔心。」

傅明憲表示早前考獲冰潛牌，仲去咗北極圈白海冰潛，問到有冇難忘事﹖佢話：「因為啲水係-2度，塊臉冇嘢保護，所以頭3秒好刺痛，上水之後，我塊面係冇感覺，唔知自己個嘴喺邊，但教練話係咁，潛潛下吓就習慣。」會唔會潛到上癮？佢笑住話：「同平時潛水，睇嘅嘢好唔同，水底啲嘢全部都係透明，會發光，好特別。」佢計劃明年去南極冰潛。

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。