現年51歲嘅黎明同樂基兒離婚6年，隨着樂基兒再婚，黎明多年嚟都係緋聞絕緣，今日有周刊爆料指做咗6年鑽石筍盤嘅黎明，對32歲失婚女助手Wing照顧有加，仲話Wing已進駐黎明6千呎大宅，成功埋黎明身，譜出「父女戀」(新聞連結： http://bit.ly/2Fqdv5J )。

不過有知情人向《蘋果》爆料，指Wing一向是「進取型」，早於黎明經理人陳善之離職，經理人部門處於「真空期」，趁機「佔領」經理人部門，又指Wing以為成功上位，取代陳善之，喺公司經常指手劃腳，令同事頗有微言，但大家多一事不如少一事，一直冇向黎明透露，惟早前有員工因事被炒，故大家早料到會有負面新聞傳出。

知情者又指寰亞最近大裁員，A Music雖然多年來由黎明掌舵，林建岳給予黎明極大自由度，但這次裁員行動，與黎明合作多年、在A Music任行政總裁，人工極高嘅王凱文亦不倖免，上月農曆年後被裁走，令Wing喺公司勢力越嚟越大。

另，周刊報道指Wing經常出入黎明上水豪宅，據爆料人向《蘋果》稱，Leon一向鍾意叫同事去佢上水豪宅，食住早餐開會，等大家輕鬆啲，但有人因為冇車，經常往返公司同上水好唔方便，故Leon就叫佢攞公司車用。

講到阿Wing忽然升呢一事，據知Wing喺A Music做助手嗰陣，有傳Wing當年愛李治廷，為咗佢同老公離婚，以為李治廷離開黎明公司會帶埋佢走，可惜李治廷最後戀范冰冰，離開A Music亦冇帶佢走，呢個如意算盤打唔響。

知情者又稱，李治廷離開後，Wing試過搵工，但未搵到，咁啱A Music嗰時走好多人，Wing即有機會埋黎明身，負責對客戶嘅工作，更向外間稱，如果大家想搵黎明，可以搵佢，儼如黎明經理人，但黎明貼身助手，其實仍然係子泉。

精選娛聞，喺晒《娛果》
http://fb.com/appledailyent

相關文章：
傳黎明重用失婚女助手 Wing做AMusic營業部經理
http://bit.ly/2IdmaKo

【為幫李治廷】黎明「新女」Wing曾出手搶同公司藝人job？
http://bit.ly/2tsS6aj