當年今日
關於我們

【李八方online】劉鳴煒李民斌輕鬆參加單車遊

蘋果日報 2015/09/28 06:00

劉鳴煒李八方ONLINE李民斌「總裁慈善單車遊」

郭基煇參與嘅35公里挑戰賽,真係少啲操練都未必應付到,主辦單位香港旅發局都好細心,特別安排咗一場「總裁慈善單車遊」,啱晒平時未必操開又想參與嘅名人試腳。

呢場賽事早過35公里挑戰賽一日舉行。喺10月10日晚7點,旅發局會喺尖沙嘴梳士巴利道及麼地道,設置約2.3公里長嘅賽道,以繞圈方式進行,呢個項目嘅參加者,只要繞兩個圈就達標,既方便又快捷。

八方聽聞參加者反應踴躍,除咗有新地主席兼董事總經理郭炳聯,亦有官員落場,就係商務及經濟發展局局長蘇錦樑。富二代都好十卜喎,平日有跑開步嘅華人置業主席兼行政總裁劉鳴煒,以及東亞銀行執行董事兼副行政總裁李民斌等都會露兩手,唔知係咪有姿勢又有實際?