當年今日
關於我們
遲嚟先上岸 屯門租客猶豫失交臂
蘋果日報 2005/06/20 00:00
租樓住有時都要講吓運氣,屯門市廣場有個單位,同時有兩個租客傾緊,結果俾第三者「遲嚟先上岸」,一日之內睇樓兼簽約。
呢個單位,位於第三座高層,J室,五百呎,業主三月中放租,叫價三千九,吸引祥益兩個租客洽租,業主見勢,乘機加租到四千二,兩人心大心細。
祥益盤嘉茵話,咁啱另一家分行嘅租客睇唔啱兆麟苑,於是介紹呢個盤,佢睇完認為合適。業主見係兩夫婦,睇埋啲資料覺得OK,即刻簽約。
盤嘉茵話,全包四千二,係市值租金。咁原先三千九唔租者,咪走雞?