外號「體操精靈」嘅南韓藝術體操運動員孫延在，喺上年里約奧運結束後，決定告別運動員生涯，周六佢就喺南韓首爾舉行告別記者會。22歲嘅佢喊住咁話，上年決定退役時，腦海只有兩個字：後悔同後悔，不過佢知道自己喺運動場已經好完滿，所以不得不退役。孫延在仲話自己之前嘅人生，有17年貢獻俾藝術體操，所以希望餘下人生，嘗試唔同生活。奧運只得第四嘅孫延在，將會重返延世大學，完成佢嘅學位先，之前佢都去過美國讀咗體操教練課程，畢業後可能做教練，當然以佢擁有明星嘅漂亮面孔，運動員生涯已經接唔少廣告，轉戰演藝界都唔出奇。