【杜生送驚喜】踏入新字頭 40歲田蕊妮:重新出發去面對一切幻象
田蕊妮生日杜汶澤40歲給自己的信
今日係田蕊妮嘅40歲生日,做老公嘅杜汶澤,又點會冇表示呢?
今早阿田喺fb貼圖,原來佢噚晚同咗唐詩詠、鄭嘉穎、薛凱琪及阮兆祥等一大班朋友唱k兼開生日party,阿澤仲送咗個Super Woman嘅造型蛋糕俾老婆,o氹到佢鬼咁開心,之後阿田留言話:「多謝杜先生為我準備的驚喜!佢話我係佢心目中嘅super woman,所以要整個super women蛋糕俾我。既然你咁客氣⋯好啦⋯咁我認啦!哈哈!」
跟住阿澤喺自己嘅fb貼咗張合照兼話:「佢十八歲生日嗰一年,響karaoke 搞,我響度,我真係響度!今日佢四十大壽,我又點會錯過呢?」阿田亦好分享留言,好sweet咁回覆話:「我18歲生日嗰年,你係我個friend,今日我40歲你係我老公!緣份嘅嘢!老公,多謝你!」
話晒今年係轉字頭嘅新開始,阿田除咗多謝好朋友陪佢過生日之外,亦寫咗「給自己的信」,佢話唔知十年後嘅今日,再睇番會係乜嘢感覺呢?「二十多歲,總想快點長大!世界只有男朋友跟朋友,常常裝作很成熟喜歡交一些比自己年長的朋友,以為已經歷夠多跟他們說覺得自己很老,幸好他都大方沒有找人打我。」
「到了三十多歲,進入矛盾一生的過程,想事業好,想婚姻好,想家人好,以為悟到些少人生道理,幫自己定下一個完美的藍圖,對於好與壞有一個個人的標準。直至媽媽讓我深切地經歷了老,病,死。徹底改變了我。
如今踏入四十,我只祈求自己能有一顆慈悲的心,一對智慧的眼,重新出發去面對一切幻象。放輕鬆,帶多點歡樂與關懷給認識與不認識的朋友。」