當年今日

中環在線:
馬雲邊按腳 邊落柯打 - 李華華

蘋果日報 2013/11/19 05:20

中環在線

古時有杯酒釋兵權,阿里巴巴創辦人馬雲就有飲茶、食飯、按腳派新任務。
今年中接任阿里巴巴首席執行官嘅陸兆禧近日接受外電訪問時話,當年佢負責幫馬雲睇住阿里巴巴B2B喺南中國嘅生意,馬雲每次南下巡視業務,都係由佢載馬雲四周拜訪同演講,呢個時候,陸兆禧會講出佢對公司實務上嘅一啲意見,馬雲繼續勾畫未來嘅遠景,當然大部份時間都係由馬雲發揮,陸兆禧做聽眾。
講到攰,馬雲瞓着,陸兆禧就要繼續揸車,貫徹佢一向默默耕耘嘅作風。
陸兆禧仲爆咗一個小秘密,就係馬雲耐不耐會約佢出去飯茶、食飯之外,仲會約埋一齊去做腳底按摩,咪以為老細約你去按腳好爽,事關馬雲之前每次畀新任務陸兆禧,都係喺飲茶、食飯或按腳三種環境發生。
有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange