即將37歲生日嘅韓版《花樣男子》女星韓彩英，10年前跟大四歲嘅企業家崔東俊結婚，2013年8月誕下囝囝。今年韓彩英演出綜藝節目《姐姐們的Slam Dunk2》時公開4歲囝囝嘅樣，之後韓彩英就不時於Instagram公開母子合照。

前日韓彩英就於Instagram公開跟囝囝出街嘅合照，照片中韓彩英一邊拖實囝囝一邊舉V，而韓彩英今次唔止晒囝囝，仲穿上迷你短裙晒長腿，非常養眼。

除咗韓彩英一對長腿搶眼外，囝囝身上嘅名牌服飾亦引起網民熱烈討論，留言「囝囝太型」、「細細個已好識打扮」等。