當年今日
關於我們

【獨家】69歲宮雪花hot pants花衫強攻荔枝角 向羅霖致敬

蘋果日報 2017/06/27 00:01

羅霖宮雪花涼鞋荔枝角站花頭飾超窄身T恤超短熱褲

(新增回應)
宮雪花喺上個世紀,95年以47歲高齡參選亞洲小姐競選,成功殺入決賽,仲得埋第5名,成為亞視傳奇。呢位「奇女子」花姨今年已經69歲,但仍活躍於娛樂圈,經常中港兩地走,間中出活動,又或者喺網上晒PS修圖,真係無論老中青都會關注佢。
《蘋果》讀者羅小姐日前透過「爆相爆片」提供兩張相,話早前喺港鐵站見到花姨,打扮十足妙齡少女。當日下午3點幾,花姨一個人喺荔枝角站準備入閘,佢着住一件超窄身嘅白色T恤,頭上戴住幾朵拳頭咁大嘅粉紅色系列花頭飾,但最吸引人注意嘅,始終都係條超短熱褲,加四個骨白襪襯涼鞋。一身潮Look不禁令人行注目禮。花姨似乎係想挑戰兩年前、當年49歲出寫真嘅羅霖,幫過《蘋果》影嘅一輯運動裝look,同樣令人一見難忘。
羅小姐話﹕「一眼就認到係宮雪花,好搞笑,見佢塊面化到好白,同平時PS過啲圖個樣差勁遠。而佢pat pat露咗少少出嚟,有一條好深嘅痕。」其實花姨真係襯到一絕,件T恤胸口位都有朵大花,同頭飾互相輝映。不過,花姨行動似乎有啲論盡,孭住個金色大袋,又拎住一大袋衫,膠袋上面寫住乾衣店名,唔知係咪啱啱攞番啲乾洗衫呢?!
宮雪花今日接受《蘋果》電話訪問,佢話﹕「希望多啲寫我正面經歷,可以畀到大家知道呢個歲數嘅人,都會去讀兩個碩士,跟住去讀博士......。
「花姨話時裝同年紀唔應該劃定一條界線,佢話﹕「好似嗰位時尚婆婆Iris Apfel都95歲,大家都贊同佢,我覺得中國人都應該要越來越年輕,同埋正面形象出嚟。T恤好似今年流行,證明我係跟上潮流,唔係因為年紀問題,年紀大咗更加要多學習,同埋各方面都唔好同時代脫節。」
empty
(讀者羅小姐提供圖片)
empty
花姨人如其名,好鍾意花(讀者羅小姐提供圖片)
empty
花姨後面打扮都幾......(讀者羅小姐提供圖片)
empty
95年以47歲高齡參選亞洲小姐競選。(資料圖片)
empty
羅霖曾為《蘋果》影過一輯運動look,同花姨有幾分相近。(資料圖片)