上季法甲季軍尼斯，周三就會作客意甲嘅拿玻里，上演歐聯附加賽首回合，原本尼斯早前已簽入前國際米蘭中場史奈達，加上另一位前國米、AC射手巴洛迪利，希望以意制意，但兩人都因為不同原因而缺陣首回合。

尼斯公佈首回合大軍名單，史奈達同巴神都冇份，教練法維爾就解釋，巴神仍然因為膝傷問題，冇辦法復出，史奈達就因為加盟時間短，仲未有足夠狀態，不過法維爾期望次回合兩人都可以上陣。