日本退役相撲手貴乃花（前名：貴花田）上月爆出離婚消息，其妻河野景子近日終打破沉默，接受富士電視台節目訪問，哭訴結束23年婚姻嘅箇中原因。

貴乃花於92年底曾與女星宮澤理惠高調訂婚，點知兩個月突然反口，被男方悔婚嘅宮澤理惠一度陷入人生谷底，更患上厭食症。貴乃花於95年娶富士電視台女主播河野景子為妻，兩人婚後育有兩子一女，近年多次傳出兩人婚變，貴乃花在上月底現身直播節目親口認離婚，承認已在10月25日結束23年夫妻關係。

事隔近一個月，河野景子就接受娘家富士台專訪，雖然節目安排本周五播出，但今日就率先公開部份內容，河野談到離婚原因，佢就話：「不只是一件事，我認為是積累下來的。」其間更在鏡頭前灑淚。其實在二人離婚前，日本雜誌《Friday》拍得貴乃花深夜現身銀座街頭，當時佢跟一名艷女前後腳進入一楝大廈，關係非比尋常。

更多娛聞，喺晒《娛果》
http://fb.com/appledailyent