由周元同吳漣序主演嘅韓劇《我的野蠻女友》(野蠻女友)嘅韓國月火劇(逢周一及周二晚播出)，今晚播出第17及18劇（即第九集），港劇迷0依家就可於Viu app上同步追看繁體字幕中文版本。

承接上一集《野蠻女友》講到周元飾演嘅才子甄佑因為協助吳漣序飾演嘅惠明公主，因而冇咗官職。而吳漣序就被皇上要求嫁畀清國王子，仲要求周元負責迎接，並充當翻譯。原來周元曾要求皇上收回成命，但皇上堅持，仲話呢個係「寡人」之托。最終周元就陪吳漣序同王子上路，隨行為佢哋翻譯，不過周元同吳漣序內心卻不是味兒。至於清國王子對二人關係亦感到好奇，但周元就辯稱自己因為曾經係元子嘅老師，所以公主先咁照顧自己。

另一方面，周元家人得知公主就快結婚而大感興奮，覺得周元以後同佢就唔會再有任何瓜葛。皇上同慈惠大妃話公主生母可能仍在生一事，自己事實上亦唔想將公主嫁到清國，大妃勸佢放棄呢個念頭，又話可能會為公主佢哋帶來危險。

吳漣序和周元帶清國王子逛夜市、食鳳爪，其間周元處處照顧公主，令公主更加難受，最後仲飲醉咗，王子背住公主回宮，周元話可以等佢背公主，王子即說：「佢以後係我嘅女人，點可以交畀其他男人？」清國王子到皇宮用膳，發現吳漣序胞弟唔鍾意自己，弟弟仲突然失蹤，最後周元搵到佢，吳漣序向周元道謝，二人回家後一直想起對方。

周元回宮想向吳漣序了解內情，中途遇上清國王子，王子邀請佢同公主一齊到河邊許願，王子仲對公主說出自己嘅願望，就係可以永遠同公主在一起，並要求周元幫自己翻譯畀公主聽，周元婉拒話：「呢句話，我唔能夠轉達。」似乎三角關係正式展開！