江嘉敏剝智慧齒疑服藥過敏致生風赧：唔會傳染
蘋果日報 2021/06/22 14:58
江嘉敏風赧TVB
26歲TVB小花江嘉敏可謂禍不單行，上周受智慧齒困擾，為趕工拍攝頂硬上，日前先一次過剝3隻智慧齒，即刻變「大細面」，見她面腫腫要食止痛藥，未想到出現藥物敏感，昨日貼出她的大腿照，清晰看到大腿佈滿風赧。
江嘉敏昨日在IG貼出大腿照，清晰看到大腿佈滿風赧，她寫道：「上星期見完牙醫，今個星期又見另一個醫生，對止痛藥敏感，牙痛再加身痕，搞到返唔到《明星運動會》。」之後江嘉敏再更新IG動態，表示要停食止痛藥及抗生素，改食敏感藥，「呢一個月食嘅西藥食咗成年嘅Quota，多謝大家關心，醫生話我係藥物敏感導致生風赧，唔會傳染嘅」。
其實之前「東張咪神」利穎怡都貼出驚嚇相，出風赧懷疑與藥物有關，大腿到小腿有近百處出紅疹，半夜更痕癢紮醒。據知急性蕁麻疹多數於一兩星期內就會好轉，而慢性蕁麻疹病程會較長，嚴重可長達幾年，更有機會引發呼吸困難或無法小便，須送院治理。
26歲TVB小花江嘉敏近年人氣微升，卻是非不斷。（IG圖片）
江嘉敏日前一次過剝3隻智慧齒，即刻變「大細面」。（IG圖片）
江嘉敏昨日在IG貼出「風赧腿」照片。（網上圖片）
江嘉敏稱「醫生話係藥物敏感導致生風赧」。（IG圖片）
-----------------------------