當年今日
關於我們

隔牆有耳:盛智文要打小人 - 李八方

蘋果日報 2009/08/15 00:00


海洋公園主席盛智文係大忙人,日前喺泰國度假,都俾八方朝早一個約訪問電話嘈醒,佢仲可以笑住話:「即刻返嚟做!」訪問當日,盛智文着住Armani西裝,都唔介意喺戶外淋雨影相個幾鐘,又山上山下兩邊跑,有行家建議佢坐上升空氣球然後影番落嚟,佢竟然都制,八方錫住佢嗱嗱聲叫停。
可惜,有時做聯絡嘅公關部門唔識做,搞到高層做宣傳事倍功半。行家有時都埋怨,家入海洋公園做訪問限制多多,有時約咗獨家訪問,以為可以單對單同主席傾偈,點知突然又會殺出程咬金,呢啲咁嘅蠱惑騎呢安排,公關應該改善吓。哈囉喂又嚟,盛主席或者可以扮鍾馗,喺園內捉鬼打小人,咁就一天光晒。