當年今日
關於我們

大獲好評之二:
撈丁響朵 出前一丁請教我!

蘋果日報 2007/11/27 00:00


名列Openrice開飯啦十月排行榜Top5的蘭芳園,生於五、六十年代,第一代林老闆首創香滑絲襪奶茶,傳到現時第二代,又獨創撈丁,聞名國際,連出前一丁都反向其請教煮麵心得,網友米飯班主話:「撈丁真係好好吃,唔單止彈牙有口感,配搭的食物又一流。不過,網友黑紗挑剔:「撈丁有咩味,只靠一Pat雞茸醬,唔掂,西多係幾好,但不如傳說中出色。」有讚有彈,不如踩場做個測試啦!
甫到步,老闆其一林俊業(業仔)熱情招待,感覺親切!舊舖整天人頭湧湧,業仔話5年前附近開設新舖,食物款式較多,熱賣撈丁,兩間舖每日幾乎賣出1,500包出前一丁,銷量很驚人。近日更新創支裝奶茶,單一個午市,把400支賣清光,餐廳並非虛有其名,以真材實料吸引食客光顧,個個叫撈丁、奶茶,日日吃也不覺悶。奶茶比一般香濃,且附有奶茶冰,就算冰溶,也不會冲淡奶茶的味道。撈丁麵質爽口彈牙,即使拍照後,隔半小時才進食,仍保留原有口感,果然實至名歸!

記者:郭佩韻 攝影:譚盈傑
冰鎮絲襪奶茶 $14
特製奶茶冰,嗒落奶茶味濃,令奶茶由頭到尾都保持其香滑的質感。只限於新店發售。
empty
葱油雞扒撈丁 $34
雞扒香脆,撈丁爽口,以薑葱調味,非常合拍,味道不覺單調,撈丁包餐飲一杯。
empty
舊式多士 $22
加入特色椰子醬,味濃,麵包外脆內軟,不喜太甜的人,可要求少加椰子醬。包餐飲。
empty
鄧小姐
咁耐以嚟呢度啲食物保持到高水準,服務態度又好,最鍾意食撈丁。
empty
蘭芳園(25443895)
地址:中環結志街2、4A及6號
empty
■明明是下午4時多,店內依然人頭湧湧﹗