今年2月被爆涉性騷擾劇組女工作人員及女新人演員嘅52歲男星曹在顯，之前已為性醜聞風波道歉，更退出有份演出嘅tvN劇集《Cross》，同時辭退DMZ韓國國際紀錄片電影節嘅執行委員會一職，其後曹在顯因涉性侵而被警方調查。今日再有一名女演員爆料，指自己16年前被曹在顯於電視台嘅廁所內性侵。

現年42歲嘅女演員A某向韓媒透露，佢於2001年因拍攝而認識曹在顯，當時A某因為韓文唔太流利，曹在顯就經常以教韓文、指導演技等藉口而接近A某。於2002年5月時，曹在顯表示因為休息室有好多人，表示要出去外面指導A某演戲，於是A某跟曹在顯去到一個正在施工嘅男化妝室前面，而A某就於裡面遭到性侵。

A某表示因為係施工中嘅廁所，附近根本冇人，A某：「當時曹在顯伸手壓住我嘅身體，雖然我話唔好，想要走，甚至試圖尖叫求救，但係被摀住嘴巴，我現在只記得結束後，佢問我『很棒吧？』，我依家都唔記得當時係點回到休息室。」

A某指當時佢猶如行屍走肉，咩都講唔出地坐喺沙發上，而曹在顯就當咩事都冇發生一樣，坐喺休息室嘅沙發，而且瞓喺佢大髀上。

對於A某嘅指控，曹在顯方面否認性侵，表示係雙方協議下發生關係。

更多韓流，喺晒《娛果》
http://fb.com/appledailyent