曾參加韓國選秀節目《PRODUCE 101》嘅22歲中國籍男歌手金龍國，早前接連爆出是非，除咗與女團SONAMOO嘅22歲成員娜玹傳緋聞外，更疑似棄養貓、丟棄粉絲禮物及信件，令粉絲大感失望，導致人氣下跌，令原定舉行嘅粉絲活動亦宣告取消。

爆出是非後金龍國一直未有公開露面，直到噚日先蒲頭出席「2018年亞洲音樂盛典」。金龍國身穿全黑西裝亮相，獲頒「年度最具潛力新人獎」，於台上就爭議事件道歉：「早前發生咗一啲大大小小嘅事，因為我嘅不足而感到傷心嘅粉絲，我想向大家講聲對唔住，令到你哋失望，但我仍然特別特別愛你哋、特別特別感謝你哋，希望我嘅真心可以傳遞畀你哋，多謝大家。」

精選韓流，喺晒《娛果》
http://fb.com/appledailyent